ՊՍԺ-ն լրջորեն հետաքրքրված է «Մարսելի» անգլիացի հարձակվող Մեյսոն Գրինվուդի ծառայություններով։ Այս մասին հայտնում է Fichajes-ը։
Աղբյուրի տեղեկություններով՝ 24-ամյա ֆուտբոլիստի հնարավոր տեղափոխությունը կարող է կազմել 80 միլիոն եվրո։ ՊՍԺ-ն պատրաստ է նման լուրջ առաջարկ կատարել՝ գործարքը հնարավորինս արագ իրականացնելու համար։
Փարիզյան ակումբի գլխավոր մարզիչ Լուիս Էնրիկեն Գրինվուդին դիտարկում է որպես հարձակման գծի ուժեղացում և խաղացող, որն ունակ է ազդել բարձր մակարդակի հանդիպումների արդյունքների վրա։ Թեև «Մարսելը» դժվար թե ցանկանա բաժանվել հարձակվողից, սակայն նման ֆինանսական առաջարկն անտեսելը բարդ կլինի։
Ընթացիկ մրցաշրջանում անգլիացին բոլոր մրցաշարերում խփել է 25 գոլ՝ դառնալով «Մարսելի» հարձակման գծի առանցքային խաղացողը։ Տեխնիկան, ունիվերսալությունն ու հանդիպումների ելքը վճռելու ունակությունը Գրինվուդին դարձրել են պահանջված ֆուտբոլիստ եվրոպական տրանսֆերային շուկայում։ Ակնկալվում է, որ Գրինվուդի ապագան կդառնա այս ամռան գլխավոր տրանսֆերային թեմաներից մեկը։
