«Մանչեսթեր Սիթի» — «Ռեալ Մադրիդ» պատասխան հանդիպման լավագույն խաղացող է ճանաչվել մադրիդյան ակումբի հարձակվող Վինիսիուս Ժունիորը: «Էթիհադ» մարզադաշտում դուբլի հեղինակ դարձած բրազիլացին խաղից հետո կիսվել է իր տպավորություններով և նշել, որ թիմը հստակ գիտեր իր անելիքը:
«Սա շատ կարևոր հանդիպում էր մեր ինքնավստահության համար։ Մրցաշրջանի սկզբից ի վեր մենք շատ լավ հանդիպումներ ենք անցկացրել, բայց խաղն այնպես չէինք վերահսկում, ինչպես դա արեցինք այս դիմակայությունում։ Սա շատ ծանր հանդիպում էր հիանալի թիմի և հիանալի մարզչի դեմ։ Նրանք երկար ժամանակ տիրում էին գնդակին, բայց մենք գիտեինք՝ ինչ պետք է անենք. աշխատել և օգտագործել մեր հնարավորությունները: Իհարկե, ես նախկինում շատ եմ վրիպել, բայց այսօր դրա կարիքն այնքան էլ չունեի», — նշել է Վինիսիուսը:
Բեկումնային պահի մասին
«Սա շատ կարևոր պահ է: Բոլոր ֆուտբոլիստները գիտեին, որ լավ հանդիպումներն առջևում են, իսկ երբ «Ռեալը» խաղում է Չեմպիոնների լիգայում, ամեն ինչ փոխվում է. փոխվում են թե՛ երկրպագուները, թե՛ ֆուտբոլիստները: Մենք պատրաստ ենք նրան, ինչ մեզ սպասվում է առաջիկայում»:
11-մետրանոցի և Վալվերդեի վստահության մասին
«Ճիշտն ասած, ես ասացի, որ այդ գոլը Ֆեդե Վալվերդեի համար էր, քանի որ նա հիանալի առաջին խաղ էր անցկացրել: Նախկինում ես նրան խնդրել էի իրացնել առաջին հարվածը, բայց նա չցանկացավ, և ես վրիպեցի: Իսկ այսօր նա ինձ լիակատար վստահություն հաղորդեց, ինչպես և պետք է անի իսկական ավագը։ Նա ինձ վստահություն տվեց, ես խփեցի գոլը և կարողացա օգնել թիմին հաղթանակով հեռանալ խաղադաշտից»:
Հաղթանակը տոնելու մասին
«Դա հիանալի էր հենց նրա համար, որ միշտ կա ևս մեկ հնարավորություն իրավիճակը շտկելու համար։ Ահա մենք այստեղ ենք. մենք հաղթեցինք և քառորդ եզրափակիչ ենք դուրս գալիս մեր երկրպագուների, մեր ընտանիքների, բոլոր ֆուտբոլիստների և մարզչական շտաբի հետ միասին, ովքեր ամեն ինչ արեցին մեզ համար»:
Պեպ Գվարդիոլայի մասին
«Խաղից հետո ես պարզապես շնորհավորեցի նրան»:
Քառորդ եզրափակիչի մրցակցի մասին
«Առա՜ջ, գնացինք հաղթելու նրանց»:
