Ռուսաստանի գավաթի խաղարկության կիսաեզրափակիչի առաջին խաղում գործող չեմպիոն «Կրասնոդարն» արտագնա խաղում 1-3 հաշվով զիջեց Մոսկվայի ԲԿՄԱ-ին։
«Ցուլերի» կազմում հանդիպման հաշիվը 23-րդ րոպեին բացեց Մոզես Կոբնանը, սակայն երկրորդ խաղակեսում մոսկովյան ակումբը կարողացավ բեկել խաղի ընթացքն ու կամային հաղթանակ տոնել՝ Կիրիլ Գլեբովի (55′) Դանիլ Կրուգովոյի (68′) և Մատուս Ալվեսի (90+3′)խփած գոլերի շնորհիվ։ Հանդիպման վերջնամասում հյուրերը մնացին 10 հոգով. երկրորդ դեղին քարտը ստացավ և խաղադաշտից հեռացվեց Ջովանի Գոնսալեսը։
Հայաստանի ազգային հավաքականի ավագ Էդուարդ Սպերցյանն ընդգրկված չէր «ցուլերի» մեկնարկային կազմում և խաղադաշտ դուրս եկավ 43-րդ րոպեին։ Հավաքականի պաշտպան Արտյոմ Բանդիկյանը հայտավորված էր բանակայինների, սակայն այդպես էլ խաղադաշտ դուրս չեկավ։
Հատկանշական է, որ այս խաղին մարզադաշտից հետևել է նաև Հայաստանի ազգային հավաքականի գլխավոր մարզիչ Եղիշե Մելիքյանը։Թիմերի միջև պատասխան հանդիպումը կկայանա մարտի 17-ին։
