Թարմացված է [21։30] Մեր ընտրանին ընդգրկվել է C լիգայի 2-րդ խմբում, որտեղ ուժերը կչափի հետևյալ հավաքականների հետ՝
Չեռնոգորիա
Կիպրոս
Լատվիա կամ Ջիբրալթար (այս զույգի հաղթողը)
Այսօր՝ փետրվարի 12-ին, Բելգիայի մայրաքաղաք Բրյուսելում տեղի կունենա ՈւԵՖԱ-ի Ազգերի լիգայի 2026/27 մրցաշրջանի վիճակահանությունը։
Արարողության մեկնարկը նախատեսված է Երևանի ժամանակով 21:00-ին։
ՈւԵՖԱ-ն արդեն հաստատել է մրցաշարի անցկացման կարգն ու օրացույցը։
Մրցաշարին կմասնակցեն եվրոպական 55 ասոցիացիաներից 54-ը (Ռուսաստանի հավաքականը չի մասնակցի մրցաշարին և բացակայում է ցուցակից)։
Մրցաշարի ձևաչափը
Մասնակիցները կբաշխվեն չորս դիվիզիոնների՝ A, B, C և D լիգաների.
A, B և C լիգաներում կձևավորվեն չորսական խմբեր՝ յուրաքանչյուրում 4 թիմ։
Վիճակահանության ժամանակ այս լիգաների հավաքականները կբաժանվեն 4 զամբյուղի։
D լիգայում թիմերը կբաժանվեն երկու զամբյուղի, որի արդյունքում կձևավորվի երկու խումբ՝ յուրաքանչյուրում 3 թիմ։
Ազգերի լիգայի 2026/27 խաղարկության խմբային փուլի հանդիպումները կկայանան 2026 թվականի աշնանը։ Մրցաշարի եզրափակիչ փուլը նախատեսված է 2027 թվականի հունիսին։
