MLS-ի գավաթի եզրափակիչում միմյանց հանդիպեցին Արևելյան և Արևմտյան Կոնֆերենցիայի չեմպիոնները՝ ԱՄՆ-ն ներկայացնող «Ինտեր Մայամին» և Կանադան ներկայացնող «Վանկուվերը»։
Եզրափակիչ խաղում ավելի ուժեղ գտնվեց Մայամին ներկայացնող ակումբը՝ հաղթելով կանադական թիմին 3-1 հաշվով։
Հանդիպման հաշիվը բացվեց 8-րդ րոպեին, երբ պատահմամբ սեփական դարպասը գրավեց «Վանկուվերի» պաշտպան Էդիեր Օկամպոն։ Երկրորդ խաղակեսի միջնամասում՝ 60-րդ րոպեին, հյուրերին՝ Արևմտյան կոնֆերենցիայի չեմպիոններին, հաջողվեց վերականգնել հաշվի տարբերությունը. աչքի ընկավ Ալի Համեդը։
Ամերիկյան ակումբի կազմում հաղթական գոլը 71-րդ րոպեին Լիոնել Մեսսիի փոխանցումից հետո հեղինակեց Ռոդրիգո դե Պոլը, որի շնորհիվ «Ինտեր Մայամին» իր պատմության մեջ առաջին անգամ հռչակվեց MLS-ի չեմպիոն։ Խաղի վերջնական հաշիվը 90+6-րդ րոպեին ձևակերպեց Տադեո Ալենդեն՝ 3-1, կրկին եզրափակելով Մեսսիի փոխանցումը։
Լիոնել Մեսսին թարմացրեց իր անձնական ռեկորդն ու նվաճեց կարիերայի 48-րդ գավաթը, իսկ Սերխիո Բուսկետսի և Ժորդի Ալբայի համար այս հանդիպումը դարձավ վերջինը կարիերայում։
Հանդիպման գոլեր՝ ԱՅՍՏԵՂ
