Կատարը կհյուրընկալի 2025 թվականի ՖԻՖԱ-ի Միջմայրցամաքային գավաթի եզրափակիչ մրցաշարը, հայտնում է Ֆուտբոլի միջազգային ֆեդերացիայի պաշտոնական կայքը։
Մրցաշարի վերջին երեք խաղերը կկայանան Կատարում․ դեկտեմբերի 10-ին կանցկացվի «Ամերիկաների դերբին», որտեղ մեքսիկական «Կրուս Ասուլը» կխաղա Լիբերտադորեսի ընթացիկ գավաթի խաղարկության հաղթողի հետ։ Այս զույգի հաղթողը դեկտեմբերի 13-ին ՖԻՖԱ-ի «Չելենջեր» գավաթի խաղարկությունում կմրցի եգիպտական «Պիրամիդսի» հետ, իսկ դեկտեմբերի 17-ին ֆրանսիական ՊՍԺ-ն եզրափակիչում կմրցի այդ խաղի հաղթողի հետ։
Մրցաշարի եզրափակիչ փուլի առաջին երկու խաղերը կանցկացվեն «Ահմեդ Բին Ալի» մարզադաշտում, իսկ եզրափակիչի խաղի վայրը կորոշվի ավելի ուշ։
