Իսպանիայից մինչև Սաուդյան Արաբիա միջազգային մամուլը հիացմունքով է խոսում Պորտուգալիայի հավաքականի և «Ալ-Նասրի» զույգի մասին։
Պորտուգալիայի ազգային հավաքականը լավ մեկնարկեց 2026 թվականի աշխարհի առաջնության ընտրական փուլը՝ խոշոր հաշվով հաղթելով Հայաստանի հավաքականին։ Գոլերի հեղինակներ դարձան Կրիշտիանու Ռոնալդուն (դուբլ), Ժոաու Ֆելիքսը (դուբլ) և Ժոաու Կանսելուն։
Միջազգային մամուլը բարձր է գնահատել թիմի ելույթը՝ առանձնացնելով երկու առանցքային խաղացողների՝ Կրիշտիանու Ռոնալդուի և Ժոաու Ֆելիքսի ներդրումը։
Marca
«Կրիշտիանուն գլխավորեց հաղթանակը՝ նվիրված Դիոգու Ժոտային։ Պորտուգալիան գոլերի փառատոն նվիրեց Ժոտային։ Ժոաու Կանսելուի տոնակատարությունը հիշեցրեց պորտուգալացի լեգենդար հարձակվողի ժեստերից մեկը», — գրում է Marca-ն՝ ընդգծելով «ոսկե տղա» Ժոաու Ֆելիքսի խաղը։ Նա 10-րդ րոպեին բացեց հաշիվը Կանսելուի փոխանցումից հետո, որը նույնպես խաղացել է Կատալոնիայում։ Ռոնալդուի դուբլից հետո կատարված փոխարինումը նույնպես ուշադրության կենտրոնում էր. նա կապիտանի թևկապը փոխանցեց Բրունու Ֆերնանդեշին, որին անվանում են «Օլդ Թրաֆորդի հերոս»։
AS
«Կրիշտիանու Ռոնալդուն վարակեց Ժոաու Ֆելիքսին։ Ազգերի լիգայում հաղթելուց հետո Ռոբերտո Մարտինեսի թիմը կարծես նպատակ է դրել դառնալ աշխարհի առաջնության ֆավորիտներից մեկը։ Նրանք իսկապես մեծ թիմ ունեն», — գրում է AS-ը՝ կրկին կոչելով Ֆելիքսին «ոսկե տղա»։ Նա ընդամենը 10 րոպեում բացեց խաղի հաշիվը։
Mundo Deportivo
«Ժոաու Ֆելիքսը հաստատեց իր գերազանց մարզավիճակը։ Ռոբերտո Մարտինեսը չխնայեց իր լավագույն խաղացողներին, և Պորտուգալիան ակնհայտորեն գերազանցեց մրցակցին։ Ռոնալդուն գոլ խփեց 21-րդ րոպեին՝ այն համարի տակ, որով հանդես էր գալիս Դիոգու Ժոտան», — նշում է Mundo Deportivo-ն՝ ընդգծելով նաև խաղի նվիրվածությունը Ժոտային։
Sport
«Ռոնալդուն և Ժոաու Ֆելիքսը շարունակում են փայլել», — գրում է Sport-ը։
Tuttosport
Իտալական Tuttosport-ը նշել է «Յուվենտուսի» վինգեր Ֆրանսիշկու Կոնսեյսաոյի բացակայությունը՝ ընդգծելով, որ նա խաղադաշտ դուրս չի եկել։
