«Կոմոյի» գլխավոր մարզիչ Սեսկ Ֆաբրեգասը մոտ է իտալական «Ինտերի» գլխավոր մարզչի պաշտոնում նշանակվելուն, այն բանից հետո, երբ Սիմոնե Ինձագին հեռացավ թիմից: Ինչպես իր X հաշվին հայտնել է ինսայդեր Սանտի Աունան, իսպանացի մասնագետը ընդունել է ՈՒԵՖԱ-ի Չեմպիոնների լիգայի եզրափակչի մասնակիցների առաջարկը և պատրաստ է պայմանագիր կնքել:
Աղբյուրի փոխանցմամբ՝ Ֆաբրեգասի անձնական պայմանագրի բոլոր մանրամասները «Ինտերի» հետ համաձայնեցվել են: Ակումբը միայն պետք է համաձայնեցնի «Կոմոյի» հետ մարզչի հրաժարագնի չափը:
Հիշեցնենք, որ նախկինում հայտարարվել էր, որ «Ինտերի» գլխավոր մարզիչ Սիմոնե Ինձագին հեռացել է ակումբից: Նրան կապում են Սաուդյան Արաբիայի «Ալ-Հիլալ» հնարավոր նշանակման հետ: Սեսկ Ֆաբրեգասը «Կոմոն» գլխավորել է 2024 թվականի ամռանը: Նրա ղեկավարությամբ Ա Սերիայի նորեկները վերջնական աղյուսակում զբաղեցրել են 10-րդ տեղը:
