«Տոտենհեմի» գլխավոր մարզիչ Անջելոս Պոստեկոգլուն խոսել է «Տոտենհեմի» նվաճած տիտղոսի մասին 2024/2025 թվականների Եվրոպա լիգայի եզրափակչից հետո, որում լոնդոնյան ակումբը նվազագույն 1-0 հաշվով հաղթեց «Մանչեսթեր Յունայթեդին»։
«Ես դեռ փորձում եմ հասկանալ, թե ինչ է պատահել։ Ես հասկանում եմ, թե որքան կարևոր է սա մեր ակումբի համար։ Որքան երկար է տևում առանց տիտղոսների շրջանն, այնքան դժվար է այն խզել։ Ես զգացի ակումբի բոլոր ներկայացուցիչների միջև լարվածությունը, քանի որ նրանք նախկինում նմանատիպ իրավիճակի միջով էին անցել։ Մինչև չհաջողվի ազատվել այս բեռից, դժվար է հասկանալ, թե ինչ է դա։
Ես միշտ մտածել եմ, որ փլեյ-օֆֆ ֆուտբոլը տարբերվում է չեմպիոնական ֆուտբոլից։ Երբ դուք գտնվում եք նման իրավիճակում, դուք պետք է լավ կազմակերպված լինեք, հավատաք ինքներդ ձեզ, ունենաք հստակ ծրագիր և ուշադրություն դարձնեք հիմնական կետերին. կարևոր է նվազագույնի հասցնել մրցակցի հնարավորությունները՝ հուսալիորեն պաշտպանվելով։
Ես վստահ էի հանդիպման ընթացքում՝ գիտակցելով, որ եթե առաջ անցնենք, կարող ենք չեզոքացնել «Մանչեսթեր Յունայթեդի» վտանգ ստեղծելու բազմաթիվ փորձերը», — Պոստեկոգլուի խոսքերն է մեջբերում ՈՒԵՖԱ-ի պաշտոնական կայքը։
