Ավարտվել է կանանց Չեմպիոնների լիգայի կիսաեզրափակչի պատասխան խաղը ֆրանսիական «Լիոնի» և անգլիական «Արսենալի» միջև։
Թիմերը խաղացել են Ֆրանսիայի Լիոն քաղաքի «Գրուպամա» մարզադաշտում։ Հանդիպումն ավարտվել է «Արսենալի»՝ 4-1 հաշվով հաղթանակով։ Անգլիական թիմի խաղացողներն այսպիսով դուրս են եկել եզրափակիչ՝ երկու խաղերի արդյունքներով հաղթելով 5:3 հաշվով։
Եզրափակչում «Արսենալը» կխաղա իսպանական «Բարսելոնայի» հետ։ Մրցաշարի վճռորոշ խաղը կկայանա մայիսի 24-ին Լիսաբոնում (Պորտուգալիա):
