«Ատալանտայի» նիգերիացի հարձակվող Ադեմոլա Լուկմանը գրառում է հրապարակել, որում պատասխանել է թիմի գլխավոր մարզիչ Ջան Պիերո Գասպերինիի խոսքերին:
Չեմպիոնների լիգայի փլեյ-օֆֆիա «Բրյուգեի» հետ երկրորդ խաղում ֆուտբոլիստը վրիպել էր 11-մետրանոցից, որից հետո Գասպերինին ասել էր՝ նիգերիացին 11-մետրանոցների իր տեսած վատագույն իրացնողն է:
«Ցավով եմ կատարում այս գրառումն այպիսի օրը, առաջին հերթին այն բանի համար, թե ինչի ենք հասել միասին որպես թիմ և քաղաք: Այս կերպ առանձնանալը ոչ միայն ցավ է պատճառում, այլև խորը անհարգալից վերաբերմունք է առաջացնում: Ես միշտ մեծ աշխատանք և նվիրվածություն եմ տվել այս ակումբին և Բերգամոյի անհավանական երկրպագուներին հաջողության հասնելու համար: Անկեղծ ասած, այստեղ գտնվելու ընթացքում ես բախվել եմ շատ դժվար պահերի, որոնց մեծ մասի մասին երբեք չեմ խոսել, քանի որ իմ կարծիքով թիմը միշտ պետք է պաշտպանված լինի և առաջին տեղում լինի։ Դրա համար էլ երեկ երեկոյան տեղի ունեցածն ավելի վիրավորական է։ Ինչպես մեր անհավանական երկրպագուները, այնպես էլ մենք՝ որպես թիմ, հիասթափված ենք անցած գիշերվա արդյունքից։ Հանդիպման ժամանակ ինձ ասացին, որ պետք է 11-մետրանոց իրացնեմ, և թիմին աջակցելու համար ես իմ վրա վերցրեցի դա անելու պատասխանատվությունը։ Կյանքը մարտահրավերների և ցավը ուժի վերածելու մասին է, որը ես կշարունակեմ օգտագործել»,- գրել է Լուկմանը իր սոցիալական ցանցում:
Հիշեցնենք, որ փլեյ-օֆֆի առաջին հանդիպումն ավարտվել է «Բրյուգեի» հաղթանակով՝ 2:1 հաշվով: Այսպիսով, երկու հանդիպումների արդյունքներով բելգիական թիմը դուրս եկավ Չեմպիոնների լիգայի 1/8 եզրափակիչ։
