Իտալական «Յուվենտուսի» և «Ինտերի», ինչպես նաև Բրազիլիայի հավաքականի նախկին կիսապաշտպան Ֆելիպե Մելոն սոցիալական ցանցերում հայտարարեց իր ֆուտբոլային կարիերայի ավարտի մասին:
«Այսօր ես ավարտում եմ իմ կյանքի ամենակարևոր գլուխներից մեկը՝ ֆուտբոլիստի կարիերան։ Դա հիասքանչ տարիներ էին, լի մարտերով և նվաճումներով, բայց, ամենից առաջ, դա տարիներ էին, երբ ես տեսա, թե ինչպես Աստծո ծրագիրը կատարվում է յուրաքանչյուր իմ քայլում։ Ամեն րոպե, ինչ ես ապրել եմ, յուրաքանչյուր պահ եղել են նրա ձեռքով ուղղորդված, և ես անվերջ շնորհակալ եմ սիրելի գործով զբաղվելու արտոնության համար», — գրել է Մելոն իր Instagram-ում։
«Շնորհակալություն եմ հայտնում բոլոր ակումբներին, որոնց համար ինձ բախտ է վիճակվել խաղալ, երկրպագուներին, ովքեր աջակցել են ինձ այս ճանապարհին, իմ թիմակիցներին, բոլոր նրանց, ովքեր հնարավոր դարձրեցին այս ուղին, և իմ ընտանիքին, ով միշտ հավատացել է ինձ։ Բայց ամենից առաջ շնորհակալ եմ Աստծուն, ով օժտել է ինձ տաղանդով, քաջությամբ և հնարավորություն տվել զգալ այս ամենը», — ավելացրել է բրազիլացին։
Մելոն 41 տարեկան է։ Նա հանդես է եկել բրազիլական «Ֆլամենգո», «Կրուզեյրո», «Գրեմիո», «Պալմեյրաս», «Ֆլումինենսե», իսպանական «Մալյորկա», «Ռասինգ», «Ալմերիա», իտալական «Ֆիորենտինա», «Յուվենտուս», «Ինտեր», թուրքական «Գալաթասարայ» ակումբներում։
Մելոյի հաշվին կա 22 խաղ և 2 գոլ Բրազիլիայի հավաքականի կազմում, որի հետ 2009 թվականին հաղթել է Կոնֆեդերացիաների գավաթը։
