Ալֆոնսո Դեյվիսի՝ անվճար Մադրիդի «Ռեալ» հնարավոր տեղափոխության շուրջ տրանսֆերային սագան մոտենում է ավարտին։
Ֆլորիան Պլետենբերգի տեղեկություններով՝ «Բավարիայի» կանադացի ձախ պաշտպանը վերջապես ընդունել է ներկայիս ակումբի հետ պայմանագիրը երկարաձգելու առաջարկը։
Դեյվիսի նոր պայմանագիրը «Բավարիայի» հետ նախատեսված կլինի մինչև 2030 թվականի ամառը, իսկ նրա աշխատավարձը կկազմի մոտ 15 միլիոն եվրո մեկ մրցաշրջանում։
24-ամյա ֆուտբոլիստի գործող պայմանագիրը մյունխենյան ակումբի հետ ավարտվում է ընթացիկ մրցաշրջանի ավարտին։
