«Միլանի» կիսապաշտպան Տիջանի Ռեյնդերսը կիսվել է Իտալիայի Սուպերգավաթի եզրափակչի՝ «Ինտերի» հետ կայանալիք հանդիպման սպասելիքներով։ Հանդիպումը կկայանա այսօր՝ հունվարի 6-ին և կմեկնարկի ժամը 23:00-ին:
«Մենք պետք է խաղանք նախորդի պես՝ ցույց տալով, որ «Միլանն» ավելի լավ թիմ է։ Անհամբերությամբ եմ սպասում այս հանդիպմանը: Սա իմ առաջին եզրափակիչն է այստեղ, և ես ցանկանում եմ նվաճել իմ առաջին տիտղոսը «Միլանի» հետ: Սա ինձ համար կարևոր է, բայց նախևառաջ կարևոր է ակումբի համար։ Մենք բոլորս ցանկանում ենք տիտղոս նվաճել «Միլանի» համար:
Պետք է պայքարել ու ցույց տալ, թե ինչի ենք ընդունակ։ Կարծում եմ, որ մենք դա արդեն ցույց տվեցինք «Ինտերի» դեմ մրցաշրջանի սկզբում և պետք է ապացուցենք, որ մենք լավագույն թիմն ենք Միլանում»,- Ռեյնդերսի խոսքերն է մեջբերում Milan News-ը։
