«Ռոմայի» գլխավոր մարզիչ Ժոզե Մոուրինյուն խոսել է Իտալիայի Ա Սերիայի 5-րդ տուրում «Տորինոյի» հետ ոչ-ոքիի մասին (1:1):
«Մենք գոլ բաց թողեցինք ստանդարտից:
Մենք լավ խաղացինք, իմ կարծիքով, հեշտ չէ նրանց դեմ պահեր ստեղծելը, հեշտ չէ մեկ հպումով ֆուտբոլ խաղալ ադպիսի վատ խաղադաշտում։ Դրա համեմատ, Հռոմի «Օլիմպիկո» ստադիոնը պոդիումի տեսք ունի: Խոստանում եմ, որ սրանից հետո այլևս չեմ բողոքի մեր ստադիոնի խոտածածկի որակից։
Մենք ունեինք Պարեդեսի պես խաղացողներ, որոնք մի քանի շաբաթ առաջ նույնիսկ 15 րոպե չէին կարողանում խաղալ։ Պաշտպանության գիծը բոլորովին նոր էր։ Ես իսկապես հաճույք ստացա խաղից։ Դժվար է ավելի լավ հանդես գալ այս «Տորինոյի» դեմ։
Մեզ համար շատ դժվար էր, նրանց համար էլ, կարծում եմ, շատ դժվար էր։ Երբ գոլ ես բաց թողնում վերջին րոպեներին, թվում է, թե երկու միավոր կորցել ես, բայց ես հարգում եմ հակառակորդներին, գիտեմ, որ նրանք մեկ շաբաթ ժամանակ ունեին նախապատրաստվելու համար։ Ես տխուր եմ արդյունքի համար, բայց դժգոհ չեմ իմ տղաների խաղից։
Լուկակուն ֆանտաստիկ խաղացող է։ Իհարկե, այլ թիմերում կան հիանալի հարձակվողներ, բայց ես շատ գոհ եմ նրանից, Բելոտիից և Ազմունից, երբ նա մարզավիճակ ձեռք հավաքի: Ես շատ գոհ եմ այս խաղացողներից։
Եվս երեք հարձակողական խաղացողներով գործելը մեզ համար հեշտ չէ՝ հաշվի առնելով մեր տրամադրության տակ գտնվող խաղացողներին: Մենք երեք «իսկական» հարձակվող ունենք, և նրանք բոլորն էլ ինձ դուր են գալիս: Սերդար Ազմունն այժմ չի կարողանում խաղալ այս մակարդակում։
Պաուլո Դիբալայի հետ կարող է խաղալ միայն Լորենցո Պելեգրինին են, որը մնում է պահեստայինների նստարանին կամ Էլ Շարավին: Այս թիմում ավելի շատ կիսապաշտպաններ կան, քան հարձակվողներ։ Մենք բարելավել ենք մեր խաղը թիկունքից, Բրայան Կրիստանտեն այժմ այլ դիրքում է և, օրինակ, դարպասաձողին հարվածելիս քիչ էր մնում գոլ խփեր։
Եթե Ռենատու Սանշեշը լավ մարզավիճակում է, նա կարող է կատարել այս դերը: Ինչպես ասացի, հիասթափված եմ արդյունքից, բայց գոհ եմ ելույթից։
Մենք պետք է հավասարակշռություն գտնենք կիսապաշտպանությունում, և, ճիշտն ասած, այսօր ինձ դուր եկավ Պարեդեսի և Կրիստանտեի խաղը: Կարծում եմ՝ կվերադառնանք ավելի նորմալ իրավիճակի, որտեղ քիչ գոլեր բաց կթողնենք։
Մարդիկ հիշում են Իբանեսին երկու-երեք կարևոր խաղում թույլ տված սխալներով, բայց մոռանում են, որ նա հիանալի պաշտպան էր։ Այսօր ես կասկածում էի Կրիստանտեին որպես կենտրոնական պաշտպան օգտագործելու հարցում, բայց Դիեգո Լյորենտեն հիանալի խաղ ցուցադրեց Դուվան Սապատայի հետ։
Ես հասկանում եմ, որ աղյուսակը հիմա լավ տեսք չունի, բայց սա դեռ սկիզբն է, և դեկտեմբերին մենք հաստատ չենք լինի այնտեղ, որտեղ գտնվում ենք հիմա»,- ասել է պորտուգալացի մասնագետը հետխաղային ասուլիսի ժամանակ:
«Ռոման» 5 խաղից հետո վաստակել է 5 միավոր և 13-րդ տեղում է։
