«Բավարիայի» և Գերմանիայի հավաքականի կիսապաշտպան Լեոն Գորեցկան մեկնաբանել է ԱԱ-2022-ի ընտրական փուլի 5-րդ տուրում Հայաստանի հավաքականի նկատմամբ տարած խոշոր հաշվով հաղթանակը․
«Կարծում եմ, որ մեր պրեսինգն այսօր շատ բարձր մակարդակի վրա էր։ Ինձ այնքան էլ չզարմացրեց այն, թե մենք այսօր ինչ տեսք ունեինք։ Եթե նայենք մեր կազմում ընդգրկված ֆուտբոլիստներին, ապա նման խաղը միանգամայն սպասելի էր։
Այսպես պետք է հանդես գանք նաև Իսլանդիայի հետ խաղում։ Կարևոր է, որ մենք կայուն կերպով նման խաղամակարդակ ցույց տանք։
Մարզադաշտում տիրող մթնոլորտը պարզապես ֆանտաստիկ էր։ Ես շատ մեծ ուրախություն էի զգում տրիբունաներում, և մենք ցանկանում էինք այդ ուրախությունն արտացոլել նաև խաղադաշտում։ Կարծում եմ՝ դա ստացվեց։ Հենց այսպես էլ մենք սպասում էինք մեր մեկնարկը Հանսի Ֆլիկի գլխավորությամբ»,- Գորեցկայի խոսքերն է փոխանցում ՈՒԵՖԱ-ի պաշտոնական կայքը։
