«Բարսելոնայի» կենտրոնական կիսապաշտպան Ֆրենկի դե Յոնգը, ում մոտ հուլիսի վերջին ախտորոշվել էր ծնկի ներքին կողմնային կապանի պատռվածք, մտադիր է շարք վերադառնալ սպասվածից շատ ավելի վաղ՝ արդեն հոկտեմբերին։ Նախապես հաղորդվում էր, որ նիդերլանդցին վնասվածքի պատճառով բաց կթողնի 2026 թվականի մնացած ողջ հատվածը։
Ինչպես տեղեկացնում է Mundo Deportivo-ն, ֆուտբոլիստը մերժել է բժիշկների կողմից խորհուրդ տրվող վիրահատական միջամտությունը։
Փոխարենը նա հույս ունի լիարժեք օգտագործել հավաքականների խաղերով պայմանավորված առաջիկա դադարը՝ կոնսերվատիվ բուժման կուրսն արդյունավետ անցնելու նպատակով։
Ըստ աղբյուրի՝ կիսապաշտպանը ծրագրում է թիմի ընդհանուր խմբում մարզումները վերսկսել արդեն հոկտեմբերի 8-ից։
Հիշեցնենք, որ 29-ամյա դե Յոնգը «կապտանռնագույնների» գույները պաշտպանում է 2019 թվականից։ Կատալոնական ակումբի հետ նրա գործող պայմանագրի ժամկետը կլրանա երեք մրցաշրջանից։
