Երևանի «Նոան» սկսում է իր ելույթները եվրոպական մրցասպարեզում։ ՈւԵՖԱ-ի Կոնֆերենցիաների լիգայի որակավորման երկրորդ փուլի շրջանակում խորվաթ մասնագետ Սանդրո Պերկովիչի գլխավորած թիմը կմրցի մոլդովական «Զիմբրուի» հետ։
Թիմն արդեն վաղը կմեկնի Մոլդովա, որտեղ հուլիսի 23-ին՝ Քիշնևում, կկայանա դիմակայության առաջին հանդիպումը։ Խաղի մեկնարկը նախատեսված է Երևանի ժամանակով 21։00-ին։ Պատասխան հանդիպումը կկայանա մեկ շաբաթ անց։
Հիշեցնենք նաև, որ ամռանը ակումբից հեռացել են մի շարք ֆուտբոլիստներ, մասնավորապես՝ Նարդին Մուլահուսեյնովիչը, Իմրան Ուլադը, Գոնսալո Գրեգորիոն, Մատեուս Այասը, Ներմին Զոլոտիչը, Գոնսալո Սիլվան, Ռոբ Նիզետը, Հովհաննես Հարությունյանը և Ալեքսեյ Պլոշչադնին։ Դարպասապահ Թիմոտի Ֆայուլուն էլ վարձակալության ժամկետի ավարտից հետո վերադարձել է շվեյցարական «Սյոն»:
Հավելենք, որ եթե «Նոային» հաջողվի հաղթահարել մոլդովական արգելքը, ապա հաջորդ փուլում երևանյան ակումբի մրցակիցը կլինի ԲԱՏԷ (Բելառուս) — «Սյոն» (Շվեյցարիա) զույգի հաղթողը:
