«Մանչեսթեր Սիթիի» հարձակողական ոճի կիսապաշտպան Ջեք Գրիլիշը, որն ընթացիկ մրցաշրջանում վարձակալական հիմունքներով հանդես է գալիս «Էվերթոնում», հայտնվել է աղմկահարույց միջադեպի կենտրոնում։
Ըստ բրիտանական The Sun պարբերականի՝ Անգլիայի հավաքականի ֆուտբոլիստին գտել են Մանչեսթերի բարերից մեկի տանիքին քնած՝ ընկերների հետ ժամանակ անցկացնելուց հետո։ Նշվում է, որ ընկերները մի քանի րոպե շարունակ փորձել են ուշքի բերել նրան, նախքան ֆուտբոլիստը կարթնանար։ Նման վիճակի պատճառը եղել է ալկոհոլի չարաշահումը։
Սոցիալական ցանցերում արդեն վիրուսային են դարձել կադրերը, որտեղ Գրիլիշն ակնհայտ արբած վիճակում է, իսկ նրա դիմաց դրված են տարատեսակ ոգելից խմիչքներ։
Իրավիճակն ավելի է բարդանում նրանով, որ միջադեպը տեղի է ունեցել այն ժամանակ, երբ Գրիլիշը պարտավոր էր խստորեն պահպանել վերականգնողական ռեժիմը՝ ոտնաթաթի կոտրվածքի պատճառով։ Այդ ծանր վնասվածքի հետևանքով կիսապաշտպանը բաց կթողնի մրցաշրջանի մնացած հատվածը և անգամ չի դիտարկվում որպես 2026 թվականի աշխարհի առաջնությանը մասնակցելու թեկնածու
Սա անգլիացու կարիերայում առաջին նմանատիպ դեպքը չէ. դեռևս «Ասթոն Վիլայում» հանդես գալու տարիներին նա պարբերաբար հայտնվում էր ալկոհոլային սկանդալներում։
Ակնկալվում է, որ ամռանը Գրիլիշը կվերադառնա «Մանչեսթեր Սիթի», որը 2021 թվականին նրա տրանսֆերի համար վճարել էր ավելի քան 100 միլիոն եվրո։ Թեև լիվերպուլյան ակումբի հետ կնքված վարձակալության պայմանագիրը նախատեսում է 50 միլիոն ֆունտ ստեռլինգով խաղացողի տրանսֆերը գնելու իրավունք, մինչև վնասվածք ստանալը Գրիլիշն «Էվերթոնի» կազմում բոլոր մրցաշարերում անցկացրել էր ընդամենը 22 հանդիպում՝ դառնալով 2 գոլի և 6 գոլային փոխանցման հեղինակ։
: Jack Grealish was spotted completely asleep at a table in a rooftop bar in Manchester, surrounded by glasses and bottles of cocktails after an afternoon of drinks with his friends.
— @TheSun pic.twitter.com/Rs20qQQNjo
— The Touchline | (@TouchlineX) April 27, 2026
