«Ունիվերսիտատյա Կրայովայի» կիսապաշտպան Ալեքսանդրու Չըկալդեուն ամփոփել է Հայաստանի չեմպիոն «Նոայի» հետ (1:1) հանդիպումը՝ նշելով, որ ռումինական թիմը պետք է հաղթանակ տաներ այդ խաղում։
«Հավասար հանդիպում էր։ Մենք հնարավորություն ունեինք երեք միավոր վաստակելու, սակայն, ցավոք, գոլ ընդունեցինք։ Այսօր ստիպված ենք բավարարվել մեկ միավորով։ Երկրորդ խաղակեսում մենք գերիշխում էինք և վերահսկում էինք խաղի ընթացքը, բայց վերջնամասում բաց թողեցինք այդ գոլը։
Մենք պատրաստվել էինք խաղալ հարձակողական ֆուտբոլ՝ կիրառելով բարձր պրեսինգ։ Ցավոք, վերջին պահին գոլ բաց թողեցինք, չնայած խաղը մեր վերահսկողության տակ էր։
Գիտեինք, որ խաղն ընդհատումներ չի ունենա (խոսքը մարզադաշտի լուսավորության խնդիրների մասին է)։ Սա մեզ համար նոր մրցաշար է, և մենք ոգևորված ենք մասնակցությամբ։ Հենց նման հանդիպումների համար ենք ընտրել ֆուտբոլիստի կարիերան, և մենք պետք է ամեն ինչ անենք հաջողության հասնելու համար։ Մեր երկրպագուները միշտ ջերմորեն են ընդունում մեզ և մեծ թվով ներկայանում՝ աջակցելու համար», — նշել է Չըկալդեուն Prima Sport-ի հետ զրույցում։
