Այսօր եվրոպական շատ առաջնություններում փակվում է տրանսֆերային պատուհանը, այդ թվում թոփ-5 լիգաներում։ ArmSport-ը առաջարկում է միասին հետևել տրանսֆերային անցուդարձին՝ օնլայն ռեժիմով։
00:57. Ճապոնացի Մայա Յոշիդան վարձավճարով «Սաութհեմփթոնից» տեղափոխվեց «Սամպդորիա»:
00:39. Իտալական «Միլանը» ժամանակից շուտ վարձակալությունից վերադարձրեց Դիեգո Լաքսալտին:
00:37. «Վիտորիայի» պաշտպան Էդմոնդ Տապսոբան տեղափոխվեց Լևերկուզենի «Բայեր»:
00:21. «Չելսիի» կիսապաշտպան Տարեկ Լամպտին տեղափոխվեց «Բրայթոն»:
00:18. Բելգիական «Անդերլեխտի» կիսապաշտպան Ալեքսիս Սալեմակերսը տեղափոխվել է Միլան քաղաքի համանուն թիմ:
22:45. «Յուվենտուսի» կիսապաշտպան Էմրե Ջանը վարձակալական հիմունքներով տեղափոխվել է Դորտմունդի «Բորուսիա»:
21:25. «Մանչեսթեր Սիթիի» պաշտպան Անխելինյոն վարձավճարով տեղափոխվեց «ՌԲ Լայպցիգ»:
21:20. Դորտմունդի «Բորուսիայի» հարձակվող Յակոբ Բրուուն-Լարսենը տեղափոխվեց «Հոֆենհայմ»:
20:58. «Հոֆենհայմը» պաշտպան Ջոշուա Բենետին վարձավճարով տրամադրել է հոլանդական «Վիտեսին»:
20:38. «Արսենալի» նախկին դարպասապահ Վիտո Մանունեն տեղափոխվեց դանիական «Էսբերգ»:
20:36. Բոսնիա և Հերցեգովինայի հավաքականի պաշտպան Էրվին Զուկանովիչը տեղափոխվեց «Սպալ»:
19:54. Ուրուգվայական «Նասիոնալի» 18-ամյա հարձակվող Մարտին Սատրիանոն տեղափոխվեց Միլանի «Ինտեր»:
19:28. Բեռլինի «Հերտան» պայմանագիր ստորագրեց «ՌԲ Լայպցիգի» 20-ամյա բրազիլացի հարձակվող Մաթեուս Կունյայի հետ:
19:00. Ճապոնացի կիսապաշտպան Կեյսուկե Հոնդան տեղափոխվեց բրազիլական «Բոտաֆոգո»:
18։43․ «Սաութհենդի» դարպասապահ Նաթան Բիշոփը տեղափոխվեց «Մանչեսթեր Յունայթեդ»
18։27․ «Հերտան» ոչ միայն ձեռք է բերում նոր ֆուտբոլիստներ, այլ նաև բաժանվում․ հարձակվող Դավի Սելկեն վարձավճարով տեղափոխվեց «Վերդեր»
18։18․ Պաշտոնական․ Հերտան հերթական նորեկն ունի
Բեռլինի «Հերտան» ամենաակտիվ ակումբներից մեկն է վերջին օրերին տրանսֆերային շուկայում։ Գերմանական ակումբի հերթական նորեկը «ՌԲ Լայպցիգի» հարձակվող Մատեուշ Կունյան է։ 20-ամյա հարձակվողի համար «Հերտան» վճարել է 15 մլն եվրո։
18։00․ Ձմեռային տրանսֆերային պատուհանի փակվելուց առաջ «Ինտերը» մտադիր է ուժեղացնել հարձակման գիծը: «Ինտերի» դիտակետում ընդգրկված են հարձակվող Սեդրիկ Բակամբուն և Սալոմոն Ռոնդոնը: Ավելի վաղ հաղորդվում էր, որ «Ինտերը» կարող է ձեռք բերել նաև «Լեսթերի» հարձակվող Իսլամ Սլիմանիին, ով այս մրցաշրջանում վարձավճարով խաղում է «Մոնակոյի» կազմում:
17։52․ «Գարեթը մեզ հետ է: Ես հույսեր եմ կապում նրա հետ: Չեմ դիտարկում նրա հեռանալու տարբերակը»,- Զիդանի խոսքերն է փոխանցում Mundo Deportivo-ն։
17։41․ «Սելտան» իր պաշտոնական կայքում հայտարարեց, որ Ռուսաստանի հավաքականի հարձակվող Ֆյոդոր Սմոլովը հաջողությամբ անցել է բուժզննումն այսօր ՝ հունվարի 31-ին, որից հետո պայմանագիր է կնքել ակումբի հետ:
17։27․ Գործակալ Դմիտրի Սելյուկը, ով ներկայացնում է կիսապաշտպան Յայա Տուրեի շահերը, հայտարարեց իր հաճախորդի հեռանալու մասին չինական «Ցինդաո» ակումբից:
17։23․ «Ռոմայի» կիսապաշտպան Խավիեր Պաստորեն չի տեղափոխվի չինական ակումբ: Հռոմեացիները պայմանավորվել են տրանսֆերի շուրջ Չինաստանի Սուպելիգայի ակումբներից մեկի հետ: Այնուամենայնիվ, տրանսֆերը չի կայանա կորոնավիրուսի համաճարակի պատճառով:
17։20․ «Յուվենտուսի» հարձակվող Մարկո Պիացան կշարունակի կարիերան «Անդերլեխտում»: Այդ մասին հայտնում է hln.be-ն։
17:18. Պաշտոնական․ Ֆրանսիացի կիսապաշտպանը տեղափոխվեց Ատալանտա
«Նիցայի» կիսապաշտպան Ադրիան Թամեզը դարձել է «Ատալանտայի» խաղացող: Ակումբը վարձակալել է 25-ամյա ֆրանսիացուն մինչև մրցաշրջանի ավարտը`նրա տրանսֆերային իրավունքների հետագա գնման տարբերակով:
17։07․ «Սաութհեմփթոնի» հարձակվող Դենի Ինգսը հունվարյան տրանսֆերային պատուհանի ընթացքում չի տեղափոխվի «Մանչեսթեր Յունայթեդ», հայտնում է The Telegraph-ը:
16։54․ «Միլանը» փորձ է կատարել ձեռք բերել Մոսկվայի «Լոկոմոտիվի» կիսապաշտպան Ալեքսեյ Միրանչուկին, հայտնում է «Betting Insider»-ը: Սակայն ռուսական ակումբը մերժել է միլանցիների առաջարկը։
16:50. «Մանչեսթեր Յունայթեդը» նախատեսում է նոր առաջարկ անել «Բորնմութի» հարձակվող Ջոշուա Քինգի համար: Մանկունիանցիները փնտրում են նոր հաձակվողի՝ կապված Մարկուս Ռուշֆորդի վնասվածքի հետ:
16:19. Կարասկոն վերադարձավ Մադրիդ
Բելգիացի կիսապաշտպան Յանիկ Ֆերեյրա Կարասկոն դարձավ Մադրիդի «Աթլետիկոյի» ֆուտբոլիստ: Ֆուտբոլիստը իսպանական ակումբում հանդես կգա վարձավճարով։
16:04. Բարսելոնան հայտարարեց «նոր Կրիշտիանուի» տրանսֆերի մասին
«Բարսելոնան» հայտարարեց «Բրագայի» հարձակվող Ֆրանսիշկու Տրինկաուի տեղափոխության մասին: 20-ամյա հարձակվողն ընթացիկ մրցաշրջանը կավարտի Պորտուգալիայի առաջնությունում ու հուլիսի 1-ին կմիանա կատալոնական թիմին:
15:41. «Տոտենհեմի» կիսապաշտպան Վիկտոր Վանյաման կարող է լքել ակումբն արդեն ձմեռային տրանսֆերային պատուհանի ընթացքում, որը փակվում է այսօր
15։37․ Պաշտոնական. ՍՊԱԼ-ի կենտրոնական պաշտպան Իգորը վարձավճարով տեղափոխվեց «Ֆիորենտինա»
15։24․ Ղազախստանի ազգային հավաքականի ավագ և «Կայրաթի» նախկին ֆուտբոլիստ Բաիրուժան Իսլամխանը տեղափոխվեց Սաուդյան Արաբիայի «Ալ Աին»
15։21․ Պաշտոնական. «Բոլոնիայի» շվեյցարացի կիսապաշտպան Բլերիմ Ջեմալին տեղափոխվեց չինական «Շենզեն»
15։18․ Պաշտոնական. «Տորինոյի» կիսապաշտպան Յագո Ֆալկեն վարձավճարով տեղափոխվեց «Ջենոա»
15:13. Պաշտոնական. «Գենկի» կիսապաշտպան Յանիս Հաջին տեղափոխվեց «Ռեյնջերս»
21-ամյա ռումինացի Ֆուտբոլիստը շոտլանդական ակումբում հանդես կգա վարձակալության հիմունքներով` մինչև ընթացիկ մրցաշրջանի ավարտը, իսկ դրա ավարտից հետո ակումբը ֆուտբոլիստին գնելու իրավունք կունենա:
🆕 BEHIND THE SCENES: ⚡️ Hagi Is Here ⚡️ pic.twitter.com/wT9PYsqz17
— Rangers Football Club (@RangersFC) January 31, 2020
14։52․ «Սաութհեմփթոնի» պորտուգալացի պաշտպան Սեդրիկ Սոարեշը վարձակալության հիմունքներով տեղափոխվեց «Արսենալ»
14։51․ «Տոտենհեմում» վստահ են, որ Բեյլը մինչև ձմեռային տրանսֆերային պատուհանի ավարտը կվերադառնա
«Ռեալի» հարձակվող Գարեթ Բեյլը տրանսֆերային պատուհանի վերջին օրը կարող է վերադառնալ «Տոտենհեմ», հայտնում է The Times-ը: Աղբյուրի փոխանցմամբ, լոնդոնյան ակումբն առաջընթաց է գրանցել Ուելսի հավաքականի ֆուտբոլիստի գործարքում: «Տոտենհեմի» ղեկավար անդամներից Դանիել Լևին այս շաբաթ մեկնել է Մադրիդ` «Ռեալի» նախագահ Ֆլորենտինո Պերեսի հետ բանակցություններ վարելու: Ակումբի ղեկավարությունը վստահ է, որ կկարողանա այսօր վերադարձնել կիսապաշտպանին:
14։07․ «Պալմեյրասի» կիսապաշտպան Մատեուշ Ֆերնանդեշը կդառնա «Բարսելոնայի» խաղացող: Այդ մասին հայտնում է AS-ը։ 21-ամյա ֆուտբոլիստի համար կատալոնական ակումբը վճարելու է 7 միլիոն եվրո:
13․41․ «Ինտերի» կիսապաշտպան Ֆեդերիկո Դիմարկոն մրցաշրջանի մնացած հատվածը վարձավճարով կշարունակի «Մոնակոյում»։
13։27․ «Մոնակոն» բանակցություններ են վարում «Ռեալ Սոսյեդադի» պաշտպան Դիեգո Լյորենտեի հետ:
Տրանսֆերային ակտիվություն են դրսևորում նաև հայկական թիմերը:
13։24․ Transfermarkt-ը հայտնում է, որ «Վալյադոլիդ B»-ի 24-ամյա իսպանացի դարպասապահ Դիեգո Բարիոսը տեղափոխվել է Վանաձորի «Լոռի»:
13։24․ Հայաստանի չեմպիոն «Արարատ-Արմենիան» էլ կարող է համալրվել «Նյուքասլի» և «Բորդոյի» նախկին կիսապաշտպան Յոան Գուֆրանով:
12։54․ Խորվաթական «Օսիեկի» կենտրոնական պաշտպան Բոշկո Սուտալոն տեղափոխվեց «Ատալանտա»։
12։45․ «Կրասնոդարի» և Պերուի հավաքականի կիսապաշտպան Քրիստիան Կուեվան տեղափոխվել է «Սանթոս»՝ 6 մլն եվրոյի դիմաց։ Ֆուտբոլիստը նախորդ մրցաշրջանը վարձավճարով անցկացրել էր հենց բրազիլական ակումբում։
12․34․ Բելգիացի կիսապաշտպան Յանիկ Ֆերեյրա Կարասկոն մոտ ժամանակներս կդառնա Մադրիդի «Աթլետիկոյի» ֆուտբոլիստ: 26-ամյա Կարասկոն 2015-ից 2018 թվականներին արդեն հանդես եկել է մադրիդցիների կազմում:
12։27․ «Յուվենտուսի» կիսապաշտպան Էմրե Ջանն այսօր բուժզննում կանցնի Դորտմունդի «Բորուսիայում» ու պայմանագիր կկնքի գերմանական ակումբի հետ, որը նախատեսված կլինի մինչև 2024 թվականը:
12։18․«Չելսիի» հարձակվող Օլիվյե Ժիրուն հրաժարվել է տեղափոխվել «Նյուքասլ»։ Այդ մասին հայտնում է Skysports-ը։ Ըստ լուրերի, ֆրանսիացին կարիերան կարող է շարունակել «Լացիոյում»:
12։05․ «Ինտերի» հարձակվող Լաուտարո Մարտինեսը այժմ որակազրկված է, իսկ հարձակվող Ալեքսիս Սանչեսը լավ մարզավիճակում չէ: Ապահովագրվելու համար նման արտակարգ իրավիճակներից, միլանցիները ցանկանում են հարձակման գիծը համալրել եվս մեկ ֆուտբոլիստով: Ցանկում առաջինը «Ջենովայի» հարձակվող 36-ամյա Գորան Պանդևն է, ով արդեն խաղացել է «Ինտերում» 2010 թվականից մինչև 2011 թվականը:
11։57․ «Գենկի» կիսապաշտպան Սարդեր Բերգեն տեղափոխվեց «Շեֆիլդ Յունայթեդ»: Գործարքը կազմել է 26 միլիոն եվրո: Այսպիսով, անգլիական ակումբը իր պատմության մեջ ամենաթանկ տրանսֆերը կատարեց:
11։41․ Պլզենի «Վիկտորիայի» և Չեխիայի հավաքականի հարձակվող Միխաիլ Կրեմենչիկը 6,5 մլն եվրոյի դիմաց տեղափոխվել է «Բրյուգե»
11։37․ Թուրքիայի փոխարեն՝ Նիդերլանդներ․ Ռոդրիգեսը նոր ակումբ ունի
«Միլանի» և Շվեյցարիայի հավաքականի եզրային պաշտպան Ռիկարդո Ռոդրիգեսը վարձակալական հիմունքներով հանդես կգա ՊՍՎ-ում, տեղեկացնում է հոլանդական ակումբի պաշտոնական կայքը:
11։34․ Ալժիրի հավաքականի պաշտպան Մեհդի Զեֆանը տեղափոխվեց ռուսական «Կռիլյա Սովետով»։ Նախկինում նա հանդես է եկել «Լիոնում» և «Ռենում»։
11։33․ «Տոտենհեմի» պաշտպան Դենի Ռոուզը վարձավճարով տեղափոխվեց «Նյուքասլ» մինչև մրցաշրջանի ավարտ, հայտնում է ակումբի պաշտոնական կայքը:
11։21․«Միլանը» պետք է այսօր հայտարարի «Անդերլեխտի» կիսապաշտպան Ալեքսիս Սալեմակերսի և «Ուիգանի» պաշտպան Էնթոնի Ռոբինսոնի տրանսֆերների մասին:
11։18․ «Ֆիորենտինայի» 22-ամյա լեհ կիսապաշտպան Սիմոն Ժուրկովսկին մրցաշրջանի մնացած հատվածը վարձավճարով կանցկացնի «Էմպոլիում»
11։11․ «Մանչեսթեր Սիթին» 17-ամյա պաշտպան Կոուտոյին «խլեց» «Բարսելոնայից»
«Կուրիտիբայի» պաշտպան Յան Կոուտոն կտեղափոխվի «Մանչեսթեր Սիթի», և ոչ` «Բարսելոնա»: Կատալոնական ակումբն ավելի վաղ համաձայնեցրել էր 17-ամյա բրազիլացու տրանսֆերը 5 մլն եվրոյի դիմաց, բայց «Մանչեսթեր Սիթին» գերազանցել է նրանց առաջարկը:
Չորեքշաբթի ֆուտբոլիստն ու նրա գործակալը ժամանել են Մանչեսթեր, որպեսզի ավարտին հասցնեն գործարքը: Տրանսֆերի համար անգլիացիները 9 մլն եվրո կվճարեն` ևս 6 մլն եվրո նախատեսված է որպես բոնուս:
Մինչև հունիս` քանի դեռ Կոուտնոն չի դարձել 18 տարեկան, կմնա «Կուրիտիբայում»: Անցած տարվա նոյեմբերին Կոուտոն հավաքականի կազմում դարձել է աշխարհի պատանեկան առաջնության չեմպիոն:
10։28․Մոնակոն ձեռք բերեց Ֆրանսիայի երիտասարդական հավաքականի պաշտպանին
«Մոնակոյի» կազմը համալրեց «Օսերի» կենտրոնական պաշտպան Ժան Մարսելենը: Ըստ մոնեգասկների պաշտոնական կայքի, 19-ամյա ֆրանսիացու հետ պայմանագիրը նախատեսված է մինչև 2024 թվականի հունիսը: Տրանսֆերի համար «Մոնակոն» վճարել է 10 մլն եվրո։
10։27․ Պաշտոնական․ Նապոլին ձեռք է բերել իտալացի հարձակվողի
«Նապոլին» հայտարարեց նոր ֆուտբոլիստի հետ պայմանագիր կնքելու մասին: Իտալական գրանդը գնել է ՍՊԱԼ-ի հարձակվող Անդրեա Պետանյայի տրանսֆերային իրավունքները և նրան թողել նույն ակումբում վարձավճարով մինչև ընթացիկ մրցաշրջանի ավարտ:
Պաշտոնական․ Ֆլորենցին մրցաշրջանի մնացած հատվածը կանցկացնի Իսպանիայում
9։30, «Ռոմայի» կիսապաշտպան Ալեսանդրո Ֆլորենցին կարիերան կշարունակի «Վալենսիայում»։ Ֆուտբոլիստը վարձավճարով հանդես կգա իսպանական ակումբում։ Պայմանագրի մանրամասները չեն հրապարակվում և չի նշվում «Վալենսիայի» կողմից պարտադիր գնման իրավունքը:
