ԱՊԼ-ի 22-րդ տուրի շրջանակում «Ասթոն Վիլան» ընդունեց «Մանչեսթեր Սիթիին»:
Հյուրերը ամբողջ հանդիպման ընթացքում տիրում էին նախաձեռնությանը և կարողացան ջախջախիչ հաղթանակ տանել:
Առաջին խաղակեսից հետո հյուրերը հաղթում էին 4:0 հաշվով: Դուբլի հեղինակ էր դարձել Ռիհադ Մահրեզը, մեկական անգամ էլ աչքի են ընկել Սերխիո Ագուերոն ու Գաբրիել Ժեզուսը։
Երկրորդ խաղակեսում էլ «երկնագույնները» շարունակեցին ճնշումը և կարողացան ևս 2 գոլի հեղինակ դառնալ՝ սեփականը ընդունելով մեկը:
Երկու գնդակներն էլ խփեց Ագուերոն՝ ձևակերպելով հեթ-տրիկ:
Այսպիսով, «Մանչեսթեր Սիթին» վաստակեց 47 միավոր և բարձրացավ մրցաշարային աղյուսակի երկրորդ հորիզոնական։ Առաջին հորիզոնականում ընթացող «Լիվերպուլը» ունի 61 միավոր:
Բացի այդ, Յուրգեն Կլոպի թիմը «Մանչեսթեր Սիթիից» մեկ հանդիպում էլ պակաս է անցկացրել: