Չեմպիոնների լիգայի 2025/26 մրցաշրջանի խաղարկության անցումային փլեյ-օֆֆի պատասխան խաղում Մադրիդի «Ատլետիկոն» «Մետրոպոլիտանոյում» խոշոր հաշվով առավելության հասավ «Բրյուգեի» նկատմամբ (4-1)։
Տանտերերը հաշիվը բացեցին 23-րդ րոպեին՝ Ալեքսանդր Սյորլոթի դիպուկ հարվածի շնորհիվ։ Թեև հյուրերը 36-րդ րոպեին Օրդոնյեսի գոլի շնորհիվ վերականգնեցին հավասարակշռությունը, երկրորդ խաղակեսի մեկնարկում՝ 48-րդ րոպեին, Կարդոսոն կրկին առաջ մղեց մադրիդցիներին։
Հանդիպման վերջնամասը դարձավ Ալեքսանդր Սյորլոթի բենեֆիսը․ նա նախ 76-րդ րոպեին Ադեմոլա Լուկմանի փոխանցումից հետո հաշիվը դարձրեց 3-1, իսկ 87-րդ րոպեին Մատեո Ռուջերիի օգնությամբ ձևակերպեց վերջնական հաշիվը։ Հատկանշական է, որ սա նորվեգացի հարձակվողի առաջին հեթ-տրիկն էր Չեմպիոնների լիգայի խաղարկություններում։
Այսպիսով՝ Դիեգո Սիմեոնեի գլխավորած թիմը անցումային փլեյ-օֆֆի երկու խաղերի արդյունքում 7-4 հաշվով հաղթեց բելգիական թիմին և պայքարը կշարունակի 1/8 եզրափակիչում, որտեղ նրանց մրցակիցը կլինի «Տոտենհեմը» կամ «Լիվերպուլը»։
Հանդիպման գոլերը՝ ԱՅՍՏԵՂ
