«Բարսելոնայի» կիսապաշտպան Գավին արձագանքել է Չեմպիոնների լիգայի խմբային փուլի 5-րդ տուրում «Բավարիայից» կրած 0-3 հաշվով պարտությանը:
«Բավարիան» ֆիզիկապես շատ ուժեղ է, և երբ պաշտպաններն իրենց թիկունքում ազատ տարածություն են թողնում, նրանք դրանից օգտվում են: Պետք է փորձել հաղթել մենապայքարներում: Նմանօրինակ փորձը չի կարող մեզ վրա վատ ազդեցություն ունենալ: Մենք գիտեինք, որ արդեն գրեթե դուրս ենք մնացել և կարող էր միայն հրաշքն օգնել:
Հիմա բոլորը ուժերը կենտրոնացրել ենք, որպեսզի հաղթենք Եվրոպա լիգայում, առավել ևս, որ նախորդ մրցաշրջանում դա չհաջողվեց: Դուրս մնալն անհաջողություն է: Մենք շատ երիտասարդ ենք, շատ նոր ֆուտբոլիստներ ունենք, և այս պահին մենք միմյանց այնքան էլ լավ չենք ճանաչում: Դրա համար ժամանակ է անհրաժեշտ: Բայց, միևնույն է, սա ձախողում է, քանի որ «Բարսելոնան» միշտ պետք է դուրս գա խմբից»,- Գավիի խոսքերն է փոխանցում ՈՒԵՖԱ-ի պաշտոնական կայքը:
Սա կատալոնացիների երրորդ պարտությունն էր Չեմպիոնների լիգայի խմբային փուլի ընթացիկ խաղարկությունում: Դեռ մինչև մյունխենցիների դեմ խաղը Չավիի թիմն արդեն կորցրել էր փլեյ-օֆֆ փուլ դուրս գալու շանսերը, երբ Միլանի «Ինտերը» 4-0 հաշվով հաղթեց Պլզենի «Վիկտորիային»:
