«Չելսիի» կիսապաշտպան Վիլիանը Esporte Interativo-ի հետ զրույցում խոսել է իր ապագայի մասին։
««Չելսին» ինձ առաջարկել է 2 տարվա պայմանագիր, իսկ ես ուզում եմ համաձայնագիր 3 տարով։ Մենք չենք կարողանում համաձայնության գալ»,-ասել է Վիլիանը։
Բրազիլացի կիսապաշտպանի գործող պայմանագիրն ավարտվում է առաջիկա ամռանը։
Ավելի վաղ շրջանառվում էին լուրեր, որոնց համաձայն՝ Վիլիանը Ժոզե Մոուրինյոյի հետ քննարկել է հավանական տեղափոխությունը «Տոտենհեմ»։
