Հունգարացի պաշտպան Միլոշ Կերկեզը «Բորնմութից» տեղափոխվել է «Լիվերպուլ»։ Այս մասին հայտնում է «Լիվերպուլի» պաշտոնական կայքը։
«Ձախ պաշտպանն անցել է բժշկական զննում և երկարաժամկետ պայմանագիր է կնքել Պրեմիեր լիգայի չեմպիոնների հետ AXA մարզման կենտրոնում», — նշված է ակումբի հայտարարությունում։
Ավելի վաղ հայտնի էր դարձել, որ ֆուտբոլիստի տրանսֆերի գումարը կազմել է 46.8 միլիոն եվրո։
2024/2025 մրցաշրջանում Անգլիայի Պրեմիեր լիգայում 21-ամյա Միլոշ Կերկեզը մասնակցել է 38 հանդիպման՝ խփելով երկու գոլ և կատարելով հինգ գոլային փոխանցում։ Նա նաև երեք խաղ է անցկացրել Անգլիայի Գավաթում՝ առանց արդյունավետ գործողությունների։
