«Չելսիի» նախկին կիսապաշտպան և «Քովենթրի Սիթիի» ներկայիս մարզիչ Ֆրենկ Լեմպարդը խոսել է Ժոզե Մոուրինյոյի՝ «Չլեսին» գլխավորելու առաջին օրերի մասին: Պորտուգալացին անգլիական ակումբի ղեկը ստանձնել է 2004/2005 մրցաշրջանից առաջ և անմիջապես թիմին հասցրել չեմպիոնության:
«Հիշում եմ, թե ինչպիսի վստահությամբ խոսեց Ժոզեն նախամրցաշրջանի առաջին օրվանից: Մենք գնացինք Սիեթլ, նա հանդիպում անցկացրեց և ասաց մեզ, թե ինչ պետք է անենք չեմպիոն դառնալու համար: Նախորդ տարի մենք երկրորդն էինք, այնպես որ չեմպիոնությունից շատ հեռու չէինք, բայց նա ներս մտավ և պատմեց, թե ինչպես ենք մենք չեմպիոն դառնալու, ինչը բացահայտում էր առաջին օրը:
Հետո նա հանդիպումներ էր անցկացնում, խոսում խաղերի բլոկների մասին և ամենափոքր մանրամասնությամբ կանխատեսում էր արդյունքները, և մենք սովորաբար հետևում էինք նրա խոսքերին: Այս ամենը մեզ համար նորություն էր։ Ես երբեք չեմ հանդիպել մի մարզչի, ով ներս կմտներ այնպիսի վստահությամբ, որ կարողանա կանխատեսել կամ մղել մեզ միայն այն պատճառով, որ նա այդպես էր ասել: Բայց դա բացարձակապես աշխատեց, քանի որ դա մեզ պատասխանատվություն տվեց արդարացնելու նրա ակնկալիքները: Հավանաբար դա այն ինտելեկտուալ խաղերի գեղեցկությունն էր, որը նա խաղում էր մեզ հետ»,- Լեմպարդի խոսքերն է մեջբերում The Telegraph-ը։
Մոուրինյուն այժմ թուրքական «Ֆեներբախչեի» գլխավոր մարզիչն է։
