«Նյու Յորք Սիթիի» պաշտպան Քրիստիան Մաքֆարլեյնը կարող է կարիերան շարունակել Անգլիայի առաջնությունում։ «Մանչեսթեր Սիթին» իր հայացքն է ուղղել 17-ամյա պաշտպանի վրա: Այս մասին սոցցանցերում հայտնում է Ֆաբրիցիո Ռոմանոն։
Նշվում է, որ Գվարդիոլայի թիմը ձմեռային տրանսֆերային պատուհանի ժամանակ պատրաստ է նորեկ ստորագրել MLS-ից։ Հնարավոր գործարքի արժեքը չի նշվում։
Հետաքրքիր է, որ Մաքֆարլեյնը երկքաղաքացիություն ունի՝ ԱՄՆ և Անգլիա։ Քրիստիանը դեռ որևէ երկրի օգտին ընտրություն չի կատարել. նա կարող է խաղալ այս հավաքականներից մեկում: Պաշտպանը ներկայացրել է երկու երկրներն էլ երիտասարդական մակարդակում, բայց դեռ պետք է որոշում կայացնի ապագայի վերաբերյալ:
