Մայիսի 29-ի լույս 30-ի գիշերը ԱՄՆ (ԱՄՆ) Ֆորտ Լոդերդեյլ քաղաքի DVR մարզադաշտում ավարտվել է MLS-ի կանոնավոր առաջնության հանդիպումը, որում «Ինտեր Մայամին» 1։3 հաշվով զիջել է «Ատլանտա Յունայթեդին»։
44-րդ րոպեին հանդիպման հաշիվը բացել է հյուրերի վրացի կիսապաշտպան Սաբա Լոբժանիձեն։ Երկրորդ խաղակեսի սկզբում՝ 59-րդ րոպեին, վրացին դուբլ է ձևակերպել։ Երեք րոպե անց տանտերերի արգենտինացի հարձակվող Լիոնել Մեսսին մեկ գոլ խփել է իսպանացի կիսապաշտպան Սերխիո Բուսկետսի փոխանցումից։ Սակայն 73-րդ րոպեին այս հանդիպմանը վերջակետ է դրել հյուրերի սենեգալցի հարձակվող Ջամալ Տիարեն՝ երրորդ գոլը խփելով «Ինտեր Մայամիի» դարպասը։
Աստղային խաղացողներ Ժորդի Ալբան ու Լուիս Սուարեսը մասնակցել են ամբողջ հանդիպմանը, սակայն արդյունավետ չեն եղել։
«Ինտեր Մայամին» 34 միավորով գլխավորում է MLS-ի մրցաշարային աղյուսակը: «Ատլանտա Յունայթեդը» 16 միավորով շարունակում է մնալ մրցաշարային աղյուսակի 23-րդ տեղում:
