Հայտնի է դարձել, թե Բարսելոնայից հեռանալուց հետո Չավին երբ կվերադառնա մարզչական աշխատանքի

«Բարսելոնայի» գլխավոր մարզիչ Չավին, ով նախորդ շաբաթ հայտարարեց ընթացիկ մրցաշրջանի ավարտից հետո իր պաշտոնը լքելու որոշման մասին, նախատեսում է մեկ տարի ընդմիջում անել այս գործունեությունից, որից հետո կրկին կգլխավորի եվրոպական ակումբներից մեկը։ Այս մասին հայտնում է AS-ը։

Աղբյուրի համաձայն՝ 2025 թվականի ամռանը՝ մեկ տարվա ընդմիջումից հետո, որը նա նախատեսում է անցկացնել իր ընտանիքի հետ, Չավին կրկին կսկսի քննարկել աշխատանքի առաջարկները։

Ընդգծվում է, որ իսպանացի մասնագետի՝ կարիերան շարունակելու գլխավոր առաջնահերթությունը Անգլիայի Պրեմիեր լիգան է։ Այնուամենայնիվ, Չավին պատրաստ է դիտարկել իտալական և գերմանական ակումբների առաջարկները։