Մադրիդի «Ատլետիկոյի» ֆրանսիացի հարձակվող Անտուան Գրիզմանը հայտարարել է, որ չի ցանկանա տեղափոխվել եվրոպական որևէ այլ ակումբ։
«Ես ցանկանում եմ, որ «Ատլետիկոն» լինի իմ վերջին ակումբը Եվրոպայում, իսկ դրանից հետո ես կարող էի վայելել ֆուտբոլը այլ վայրերում: Ցանկություն ունեմ շարունակել խաղալ այստեղ, ես այն մակարդակի վրա եմ, որն անհրաժեշտ է թիմին։ Կտեսնենք, թե արդյոք նրանք ինձ հնարավորություն կտան, բայց այստեղ շատ լավ խաղացողներ կան: Տեսնենք, թե ինչպես կզարգանան իրադարձությունները մրցաշրջանի ընթացքում»,- Գրիզմանի խոսքերը մեջբերել է Atletico Universe-ը X սոցիալական ցանցում (նախկինում՝ Twitter):
Ընթացիկ մրցաշրջանում 32-ամյա Գրիզմանը Իսպանիայի առաջնությունում «Ատլետիկոյի» կազմում անցկացրել է 15 հանդիպում, դարձել 9 գոլի և երկու գոլային փոխանցման հեղինակ։
