Իրանի հավաքականը խոշոր հաշվով հաղթանակ տոնեց, Չինաստանը կամային հաղթանակ տարավ

Ասիայում մեկնարկել է ֆուտբոլի առաջիկա Աշխարհի առաջնության որակավորման խմբային փուլը։

E խմբի խաղում Իրանի հավաքականը խոշոր՝ 4-0 հաշվով հաղթեց Հոնգ Կոնգի ընտրանուն։

Այս խաղում դուբլի հեղինակ դարձավ Ազմունը, մեկական գոլ խփեցին Տարեմին և Ռեզայեին։

C խմբում Չինաստանի հավաքականն արտագնա խաղում 2-1 հաշվով կամային հաղթանակ տոնեց Թաիլանդի նկատմամբ։

Չինաստանի հավաքականի կազմում գոլերից մեկը խփեց Վու Լեյը, ով ժամանակին հանդես էր գալիս Լա լիգայում։