«Մանչեսթեր Յունայթեդի» գլխավոր մարզիչ Էրիկ տեն Հագը խոսել է Անգլիայի Պրեմիեր լիգայի 11-րդ տուրի՝ «Ֆուլհեմի» հետ հանդիպման (1:0) և պաշտպան Հարի Մագուայրի խաղի մասին։
«Մագուայրը հիանալի հանդիպում անցկացրեց: Հիանալի խաղ ցուցադրեց։ Նա ցույց տվեց առաջնորդին բնորոշ խաղ և շատ լավ էր ինչպես գնդակով, այնպես էլ առանց գնդակի խաղի ժամանակ: Ես շատ գոհ եմ Հարիի խաղից», — Տեն Հագի խոսքն է մեջբերել Goal-ը:
Մագուայրը «Յունայթեդ» է տեղափոխվել «Լեսթերից» 2019 թվականի օգոստոսին: Տրանսֆերի գումարը կազմել է 87 միլիոն եվրո: Ֆուտբոլիստի պայմանագիրն ակումբի հետ նախատեսված է մինչև 2025 թվականի հունիսի 30-ը։
Ընթացիկ մրցաշրջանում Մագուայրը անցկացրել է 9 հանդիպում, դարձել 1 գոլի և 1 գոլային փոխանցման հեղինակ։
