Մանչինին կարող է գլխավորել իտալական ակումբը․ Հայտնի է՝ ով կարող է փոխարինել նրան Իտալիայի հավաքականում

«Յուվենտուսի» գլխավոր մարզիչ Մասիմիլիանո Ալեգրին կարող է հեռանալ թիմից և կարիերան շարունակել Իտալիայի հավաքականում։ Այս մասին հայտնում է ինսայդեր Մատիաս Պոգին։

Հավաքականի ղեկին Մասիմիլիանոն կարող է փոխարինել Ռոբերտո Մանչինին: Իր հերթին Մանչինին համարվում է «Նապոլիի» գլխավոր մարզչի պաշտոնի թեկնածու։

Այս մրցաշրջանի ավարտին նեապոլիտանական ակումբը կբաժանվի ներկայիս գլխավոր մարզիչ Լուչիանո Սպալետիից։

Ալեգրին նախորդ մրցաշրջանում վերադարձավ «Յուվենտուս»։ 55-ամյա մասնագետը երկարաժամկետ պայմանագիր է կնքել, որն ավարտվում է 2025 թվականի կեսերին։