Կատալոնական «Բարսելոնայի» կենտրոնական հարձակվող Ռոբերտ Լևանդովսկին հայտնել է, որ կարող էր հայտնվել իսպանական մեկ այլ ակումբում՝ Մադրիդի «Ռեալում»:
«Սերուցքայինները» բազմիցս հետաքրքրություն են ցուցաբերել իմ տրանսֆերի նկատմամբ, բայց ես տեսա «Բարսելոնայի» վճռականությունը և ցանկանում էի կարիերաս շարունակել այս ակումբում։ Ես ցանկանում էի հենց այդպիսի քայլ անել իմ կարիերայում»,- 34-ամյա լեհ գոլահարի խոսքերն է փոխանցում Sport.es-ը։
Լևանդովսկին «Բարսա» է տեղափոխվել այս ամառ Մյունխենի «Բավարիայից»: Նրա տրանսֆերը «Բարսելոնային» արժեցել է 45 միլիոն եվրո։
Այս մրցաշրջանում Ռոբերտը անցկացրել է 12 հանդիպում և դարձել 12 գոլի հեղինակ։
