Ժոան Լապորտան խոսել է Ռոբերտ Լևանդովսկու տրանսֆերային գործընթացի մասին.
«Մենք մտադրություն ունեինք ձեռք բերելու ինը համարի: Եթե մի ջին հայտնվեր և մեզ խնդրեր երեք ցանկություն հայտնել, ապա մենք կցանկանայինք ռմբարկու, բազմակի «Ոսկե խաղակոշիկի» դափնեկիր և գոլերի երաշխավոր։ Այդ ամենը Լևանդովսկին է:
Ինչպե՞ս այս ամենը եղավ։ Ես յուրահատուկ հարաբերություններ ունեմ նրա գործակալի հետ։ Հարցրի. «Հնարավորություն կա՞»։ Եվ նա պատասխանեց, որ այո, կցանկանար։ Մենք անմիջապես կապ հաստատեցինք «Բավարիայի» հետ։
Ռոբերտը նաև հարցրեց՝ կարո՞ղ ենք պայմանագիր ստորագրել նրա հետ: Ես հանգստացրի նրան։ Ես ասացի նրան, որ եթե մենք կարող ենք պայմանագիր կնքել միայն մեկ խաղացողի հետ՝ դա կլինի նա:
Կային այլ ակումբներ, որոնք նրան ավելի շատ գումար էին առաջարկում։ Ես ուրախ և շնորհակալ եմ, որ նրանք պատրաստ էին այս իրավիճակում գալ այստեղ։ «Բարսան» հսկայական ջանքեր գործադրեց և պարգևատրվեց Ռոբերտի և նրա գործակալի կամքի շնորհիվ»,- մեջբերում է «Բարսելոնայի» նախագահին Marca-ն: