Մադրիդի «Ռեալը» ցանկացել է Կիլիան Մբապեի հետ կնքել նույն պայմանագիրը, ինչ Կրիշտիանու Ռոնալդուի հետ, հայտնում է լրագրող Ջանլուկա դի Մարցիոն:
Մադրիդյան ակումբը պորտուգալացու տրանսֆերի շուրջ համաձայնության էր եկել 2008 թվականի ամռանը՝ տրանսֆերն իրականացնելուց մեկ տարի առաջ։ Նոտարական վավերացված պայմանագրով նախատեսված էր, որ «Յունայթեդը» կստանա 96 միլիոն եվրո, իսկ եթե գործարքը մերժվեր խաղացողի կամ մադրիդյան ակումբի կողմից, ապա նախատեսվում էր 30 միլիոն եվրո տուգանք։
Որպեսզի համոզվեն, որ Կիլիան Մբապեն տեղափոխվում է ՊՍԺ-ից, Մադրիդի «Ռեալի» ղեկավարությունը փորձել է նման պայմանագիր կնքել հարձակվողի հետ, սակայն ֆրանսիացին հրաժարվել է ստորագրել այն։
Հաղորդվում էր, որ Մադրիդի «Ռեալը» բանավոր համաձայնության է եկել Մբապեի հետ տրանսֆերի շուրջ։ Մադրիդյան ակումբը խաղացողին առաջարկում է 5 տարվա պայմանագիր՝ տարեկան 50 միլիոն եվրո աշխատավարձով, ինչպես նաև ստորագրման բոնուս՝ 100 միլիոն եվրո։
