«Ռոստովն» իր պաշտոնական կայքում հայտնել է, որ երկարաձգել է պայմանագիրը 28-ամյա կիսապաշտպան Խորեն Բայրամյանի հետ: Երկարաձգվել է պայմանագիրը նաև պաշտպան Եվգենի Չերնովի հետ.
«Լավ նորությունների ժամանակն է: ՌՊԼ-ում դադարից առաջ կարևոր իրադարձություն է տեղի ունեցել, որի մասին մենք ցանկանում ենք պատմել: Մեր ակումբի կիսապաշտպան Խորեն Բայրամյանն ու պաշտպան Եվգենի Չերնովը երկարաձգել են իրենց պայմանագրերը 4.5 տարով:
Նախագահ Արտաշես Արությունյանցն անձամբ է շնորհավորել ֆուտբոլիստներին»,- ասվում է «Ռոստովի» տարածած հաղորդագրության մեջ:
Բայրամյանն իր կարիերայի ամբողջ ընթացքում պաշտպանում է «Ռոստովի» գույները՝ ընթացքում որոշ ժամանակ վարձակալությամբ հանդես գալով «Ռոտորում», «Վոլգարում» և «Ռուբինում»: Ընթացիկ մրցաշրջանում 28-ամյա կիսապաշտպանը Ռուսաստանի Պրեմիեր-լիգայի 20 հանդիպման է մասնակցել, որոնցում դարձել է 4 գոլի և 4 գոլային փոխանցման հեղինակ:
