Մադրիդի «Ռեալի» հարձակվող Վինիսիուս Ժունիորը պատասխանել է Լա լիգայի նախագահ Խավիեր Տեբասին։
Վինիսիուսն ավելի վաղ գրել էր․ «Իմ կարմիր քարտը վարձատրություն է ռասիստների համար։ Սա ֆուտբոլ չէ, սա Լա Լիգան է»։
Տեբասը Վինիսիուսի թվիթին պատասխանել է տեսանյութով, որում բրազիլացին մի քանի ամիս առաջ խոսել է ռասիզմի մասին՝ ակնարկելով, որ Վինիսիուսը սխալ մարդկանց է մեղադրում։
«Մենք ցանկանում էինք բացատրել, թե ինչ կարող է և ինչ չի կարող անել Լա Լիգան ռասիզմի դեպքում, բայց դուք չներկայացաք ձեր իսկ խնդրած երկու համաձայնեցված ամսաթվերից որևէ մեկին: Նախքան Լա Լիգան քննադատելը և վիրավորելը, դուք պետք է պատշաճ կերպով տեղեկացնեք ինքներդ ձեզ: Թույլ մի տվեք ձեզ մանիպուլյացիայի ենթարկել և համոզվեք, որ դուք լիովին հասկանում եք միմյանց իրավասությունները և համատեղ աշխատանքը»:
Վինիսիուսը գրեթե անմիջապես պատասխանել է Տեբասին.
«Հերթական անգամ ռասիստներին քննադատելու փոխարեն Լա լիգայի նախագահը հայտնվում է սոցիալական ցանցերում ու գրում իմ մասին։ Ինչքան էլ խոսեք ու ձևացնեք, թե իբր չեք կարդում, դրանից տուժում է ձեր առաջնության իմիջը։ Նայեք ձեր գրառումների պատասխաններին և անակնկալի կգաք…
Պատասխանատվությունից խուսափելը ձեզ հավասարեցնում է ռասիստներին: Ես Ձեր ընկերը չեմ, որ ինձ հետ խոսեք ռասիզմի մասին: Ես գործողություն և պատիժ եմ ուզում. Հաշթեգերն ինձ չեն հուզում»,- գրել է ֆուտբոլիստը:
