Լեհաստանի սպորտի նախարարությունը ցանկանում է չեղարկել 2022 թվականի Աշխարհի առաջնության ընտրական փուլի Ռուսաստանի հետ հանդիպումը։
Ըստ Przegląd Sportowy-ի՝ Լեհաստանի սպորտի նախարար Կամիլ Բորտնիչուկը երեքշաբթի կամ չորեքշաբթի Ցյուրիխում կհանդիպի ՖԻՖԱ-ի նախագահ Ջանի Ինֆանտինոյին։ Բորտնիչուկը ցանկանում է համոզել Ինֆանտինոյին չեղարկել ԱԱ-2022-ի ընտրական փուլի փլեյ-օֆֆի հանդիպումը Ռուսաստանի հետ։
Այսօր Լեհաստանի, Շվեդիայի և Չեխիայի ֆուտբոլի ֆեդերացիաները համատեղ նամակ են հղել ՖԻՖԱ-ին՝ պահանջելով Ռուսաստանին հեռացնել ԱԱ ընտրական փուլից։ Աղբյուրի փոխանցմամբ՝ Ինֆանտինոյի հետ բանակցությունները հեշտ չեն լինի, սակայն Լեհաստանը, Շվեդիան և Չեխիան վճռական են տրամադրված։
Նախկինում այս բոլոր երկրների հավաքականները հայտարարել էին, որ հրաժարվում են Ռուսաստանի դեմ խաղալ 2022 թվականի Աշխարհի առաջնության ընտրական փուլում։
