Իտալիայի ֆուտբոլի ֆեդերացիայի նախագահ Գաբրիելե Գրավինան հստակ դիրքորոշում է որդեգրել ազգային առաջնությունը վերսկսելու հարցում: Նրա կարծիքով ՝ մրցաշրջանը պետք է խաղարկվի ամեն գնով:
«Քանի դեռ ես մնում եմ Իտալիայի ֆուտբոլի ֆեդերացիայի նախագահ, ես երբեք չեմ դադարեցնի մրցաշրջանը, քանի որ դա կնշանակի իտալական ֆուտբոլի մահ:
Ես պաշտպանում եմ բոլոր կողմերի շահերը, ուստի կրկնում եմ, որ ես հրաժարվում եմ համաձայնել մրցաշրջանի վաղաժամ ավարտին, քանի դեռ մասնակիցների առողջության հետ կապված օբյեկտիվ պատճառներ չկան: Բայց այս դեպքում ինչ-որ մեկը պետք է ինձ ուղղակի ասի և կանգնեցնի ինձ:
Մրցաշրջանի վաղաժամկետ դադարեցման դեպքում իտալական ֆուտբոլը կկորցնի 700-800 միլիոն եվրո: Եթե մենք շարունակենք խաղալ առանց հանդիսականների, կորուստները կկազմեն 300 միլիոն», — Գրավինայի խոսքերը մեջբերում է Football-italia-ն:
