Հաշվի առնելով, որ եվրոպական բոլոր առաջնություններում մոտ մեկամսյա դադար է լինելու, այժմ կարող ենք մանրադիտակի տակ առնել մինչ այժմ կայացած տուրերի արդյունքները՝ գրանցելով մի շարք հետաքրքիր ցուցանիներ։ Նախորդ անգամ մեր նոր՝ «Ֆուտբոլը՝ թվերով» շարքում, մենք Ձեզ ներկայացրեցինք թոփ-5 լիգաների ամենաարդյունավետ թիմերին, իսկ այս անգամ առաջարկում ենք ծանոթանալ ամենահուսալի պաշտպանություն ունեցող թիմերին։
7-10․ Ռեն
24 բաց թողնված գնդակ
7-10․ ՊՍԺ
24 բաց թողնված գնդակ
7-10․ Ինտեր
24 բաց թողնված գնդակ
7-10․ Յուվենտուս
24 բաց թողնված գնդակ
Միանգամից 4 թիմ մեր թոփում զբաղեցնում է 7-10-րդ տեղերը՝ բաց թողնված 24-ական գնդակներով։ Դրանք են իտալական երկու գրանդները՝ «Յուվենտուսն» ու «Ինտերը», ինչպես նաև ֆրանսիական ՊՍԺ-ն և «Ռենը»։ Ընդ որում, նկատենք, որ լավագույն տասնյակում տեղ չեն գտել գերմանական և ոչ մի թիմ։
5-6. Լացիո
23 բաց թողնված գնդակ
5-6. Աթլետիկ Բիլբաո
23 բաց թողնված գնդակ
5-6-րդ տեղերը կիսում են իտալական «Լացիոն», որը լավագույնն է այս ցուցանիշով Ապենիններում, և Բիլբաոյի «Աթլետիկը»։ Երկու թիմերն էլ այս մրցաշրջանում 23-ական գնդակ են ընդունել սեփական դարպասը իրենց առաջնությունների շրջանակում։
2-4. Ռեյմս
21 բաց թողնված գնդակ
2-4. Աթլետիկո Մադրիդ
21 բաց թողնված գնդակ
2-4. Լիվերպուլ
21 բաց թողնված գնդակ
Իսկ ահա 2-4-րդ տեղերը զբաղեցնում են «Լիվերպուլը», Մադրիդի «Աթլետիկոն» և․․․ «Ռեյմսը»։ Եթե առաջին երկուսի առկայությունը մեր թոփի վերնամասում գրեթե ոչ ոքի չի զարմացնում, ապա ֆրանսիական համեստ ակումբի նման բարձր դիրքը իսկապես անսպասել էր։
Ընդ որում, Ֆրանսիայի վեցակի չեմպիոնը (60 տարի առաջ) ավելի քիչ գնդակ է բաց թողել, քան փարիզյան գրանդը՝ ՊՍԺ-ն․ դա պարզապես ողջունելի է։
1. Ռեալ Մադրիդ
19 բաց թողնված գնդակ
Եվ այպես, հուսալի պաշտպանություն ունեցող թիմերի լավագույն տասնյակը վստահորեն գլխավորում է «Արքայական ակումբը»։ Ընդ որում, մադրիդցիները միակ թիմն են, որ այս մրցաշրջանում ներքին առաջնությունում բաց են թողել 2 տասնյակց պակաս գնդակ։
Վար Բաբայան
Շարքի նախորդ մասերը
Գոլային փոխանցումների քանակով լավագույն ֆուտբոլիստները թոփ առաջնություններում
Թոփ-5 լիգաների ամենաարդյունավետ թիմերը
