Հայաստանի ազգային հավաքականի նախկին ֆուտբոլիստ Կարեն Դոխոյանը ծավալուն հարցազրույց է տվել Metaratings.ru-ին և անդրադարձել հայկական ֆուտբոլին և Հայաստանի հավաքականին առնչվող մի շարք հարցերի:
– Այժմ որքանո՞վ է իրատեսական, որ Հայաստանի երիտասարդ խաղացողները կարող են անմիջապես մեկնել Եվրոպա՝ մոտավորապես թոփ 5-ի մակարդակի թիմերում խաղալու:
— Կարծում եմ, որ թոփ 5-ում շատ դժվար է, չգիտեմ, թե ինչպիսի տաղանդ պետք է լինես: Որովհետև Հայաստանի առաջնությունն այնքան էլ ուժեղ չէ։ Կարծում եմ, որ նրանք նախ պետք է իրենց ֆուտբոլային կրթությունը ստանան միջին եվրոպական ակումբներում։ Բայց երբ մենք ունենք այնպիսի ակումբներ, ինչպիսիք են «Նոան», «Փյունիկը», «Արարատ-Արմենիան», որոնք կարող են լավ խաղալ եվրագավաթներում ու դուրս գալ խմբային փուլ, ապա հնարավորություն կա, որ նրանց երիտասարդ խաղացողներին նկատեն եվրոպական լավ թիմերը։
Եթե ֆուտբոլիստը 20 տարեկանում հանդես գա ազգային հավաքականում, իր ակումբի հետ խաղա եվրոպական մրցաշարերում, նրան կնկատեն։ Եվ կարող է հավանականություն լինել, որ նա կարող է գնալ թոփ-5 լիգայում հանդես եկող ակումբ, բայց ավելի ցածրակարգ թիմեր։ Սակայն ֆուտբոլիստը դեռ պետք է պատրաստ լինի սրան։ Եվ ամենակարևորը, նա պետք է իմանա լեզուն, գոնե անգլերենը, քանի որ նա պետք է շփվի: Առանց սրա սկզբնական փուլում շատ դժվար կլինի։ Կարծում եմ, որ մենք ունենք շատ լավ երիտասարդ խաղացողներ, ովքեր կարող են գնալ, բայց յուրաքանչյուրի հետ պետք է անհատական մոտեցում ցույց տալ։ Ես աշխատում եմ Սերգեյի հետ, լավ եմ ճանաչում նրան և կարող եմ օգնել ամեն իրավիճակում։ Ամեն հանդիպումից հետո մենք շփվում ենք, խոսում խաղի մասին, ամենակարևորը նրա հոգեբանական վիճակն է։
