Խառը ոճային ռուսսաստանցի մարտիկ Խաբիբ Նուրմագոմեդովն ասել է, որ իրենց մենամարտը ամերիկացի Թոնի Ֆերգյուսոնի հետ վտանգված չէ կորոնավիրուսի համաճարակի պատճառով:
«Ինչպես իմացա, UFC-ն նույնիսկ մրցակից է փնտրում Թոնի Ֆերգյուսոնի համար, քանի որ չեմ կարող գնալ մրցաշարին: Ես այստեղ եմ ոչ իմ կամքով: Իմ մեղքով չի, որ մենամարտը չի կայանում, ես պատրաստ եմ պայքարել ցանկացած վայրում և ցանկացած պահի», — ասել է մարզիկը Instagram-ում՝ ուղիղ հեռարձակման ժամանակ:
Նուրմագոմեդովը հավելեց, որ շարունակում է մարզվել՝ չնայած հանդիպման հնարավոր չեղյալ հայտարարմանը: Ըստ վերջին ծրագրերի, Նուրմագոմեդով- Ֆերգյուսոն մենամարտը պետք է տեղի ունենար ապրիլի 18-ին: Սկզբնապես այն նախատեսված էր անցկացնել Բրուքլինում, բայց COVID-19 համաճարակի պատճառով UFC-ի ղեկավարությունը ստիպված էր այլ տեղ փնտրել:
Նուրմագոմեդովը նախօրեին վերադարձել էՌուսաստան և մարզվում է Դաղստանում: Միևնույն ժամանակ, մարտի 28-ին, Ռուսաստանի վարչապետ Միխայիլ Միշուստինը հրամայեց ամբողջովին փակել սահմանները՝ կորոնավիրուսի տարածման դեմ պայքարի համար: Դրանից առաջ եվրոպական շատ երկրներ նույնպես սահմանափակեցին օդային երթևեկությունը, և ԱՄՆ նախագահ Դոնալդ Թրամփը արգելեց երկիր մուտք գործել օտարերկրացիներին:
UFC-ի թեթև քաշային կարգի չեմպիոնի գոտիին տիրող 31-ամյա Նուրմագոմեդովը 28 մարտ է անցկացրել խառը ոճի մարտարվեստում և երբեք չի պարտվել: 36-ամյա Ֆերգյուսոնը ունի 28 մենամարտ՝ 25 հաղթանակ և երեք պարտություն:
