«Ռեալ Մադրիդի» հարձակվող Կիլիան Մբապեն արձագանքել է ՊՍԺ-ի` Չեմպիոնների լիգայի հաղթանակին ակումբից հեռանալուց հետո հենց հաջորդ մրցաշրջանում։
«Դատարկ մրցաշրջա՞ն էր։ Վստա՞հ եք։ Ինչո՞ւ է դատարկ մրցաշրջանը։ Դիտո՞ւմ եք հանդիպումները։ Մենք նվաճեցինք երկու տիտղոս։ Այո, մենք կորցրեցինք մի քանի գավաթներ, բայց այս տարին լարված էր։ ՊՍԺ-ն հաղթեց Չեմպիոնների լիգան առանց ինձ, և ինձ համար միևնույն է։
Կարծում եմ, որ յուրաքանչյուր ֆուտբոլիստ կարող է խնդիրներ ունենալ իր կարիերայում։ Ես փոթորկի էպիկենտրոնում եմ, դա լավ է։ Ինձ միշտ դուր է եկել նման իրավիճակներում լինելը։ Իմ աշխատանքը աշխատելն է։ Ես շատ դժվարություններ եմ հաղթահարել իմ կարիերայում։ Ես պետք է աշխատեմ», — ասել է Մբապեն մամուլի ասուլիսում։
«Ես Մարոկկոյում էի, դիտում էի Չեմպիոնների լիգայի եզրափակիչը Մարակեշի հյուրանոցում։ Ուզու՞մ եք իմանալ բոլոր մանրամասները։ Այնտեղ էին իմ զարմիկը, իմ ընկերները, հեռուստացույցը մեծ էր։ Իրոք, ես ուրախ էի։ Նրանք արժանի էին դրան, նրանք շատ դժվարությունների միջով անցան։ Ես նույնպես անցա դրա միջով, ես անցա Չեմպիոնների լիգայի բոլոր փուլերով, բացի հաղթանակից։
Նրանք Եվրոպայի լավագույն թիմն էին։ Ես չեմ հիշում, որ երբևէ հաղթած լինեմ 5-0 հաշվով։ Դա 100 տոկոսով արժանի էր։ Նրանք դառնում են այն թիմը, որին բոլորը ցանկանում են հաղթել»,- մեջբերում է Մբապեին RMC Sport-ը։
