Հայտնի է, թե ինչու է Բարսելոնան վերջնականապես հրաժարվել Նիկո Ուիլյամսին գնելուց

«Բարսելոնան» այլևս մտադիր չէ փորձեր կատարել «Ատլետիկ Բիլբաոյի» հարձակվող Նիկո Ուիլյամսին ձեռք բերելու համար։ Այս մասին հաղորդում է Mundo Deportivo-ն։

Աղբյուրի փոխանցմամբ՝ կատալոնական ակումբի նախագահ Ժոան Լապորտան վերջնականապես հրաժարվել է Իսպանիայի հավաքականի խաղացողին գնելու մտքից՝ անցյալ ամռանը «Բլաուգրանա» տեղափոխվելու նրա դժկամությունից հետո։ Այդ ժամանակ Ուիլյամսը մտահոգված էր, որ «Բարսելոնան» չի կարողանա նրան գրանցել։

Շեշտվում է, որ Լապորտային միշտ ավելի շատ դուր է եկել «Լիվերպուլի» հարձակվող Լուիս Դիասի խաղը։ Այս առումով իսպանական գրանդը պատրաստ է ջանքեր գործադրել կոլումբիացի ֆուտբոլիստին ձեռք բերելու համար։