«Լիվերպուլը» հետաքրքրված է Լևերկուզենի «Բայերի» կիսապաշտպան Ֆլորիան Վիրցի ծառայություններով։ Այս մասին հաղորդում է The Athletic-ը։
Աղբյուրի փոխանցմամբ՝ անգլիական ակումբը կապ է հաստատել 22-ամյա ֆուտբոլիստի ներկայացուցիչների հետ՝ հայտնելու նրա նկատմամբ իրենց հետաքրքրության մասին, եթե նա պատրաստ լինի տեղափոխվել Անգլիա։ Ավելի վաղ հաղորդվում էր, որ «Բայերի» կիսապաշտպանը համաձայնության է եկել «Բավարիայի» հետ տրանսֆերի հարցում, սակայն նրա տրանսֆերի համար առաջարկ է արել նաև «Մանչեսթեր Սիթին»։
Այս մրցաշրջանում Վիրցը բոլոր մրցաշարերում անցկացրել է 44 խաղ, խփել 16 գոլ և կատարել 15 գոլային փոխանցում։ Ֆուտբոլիստի ներկայիս աշխատանքային պայմանագիրն ակումբի հետ նախատեսված է մինչև 2027 թվականի ամառը։ Transfermarkt պորտալում տրամադրված տեղեկատվության համաձայն՝ ֆուտբոլիստի շուկայական արժեքը կազմում է 140 միլիոն եվրո։
