Անգլիական «Նյուքասլ Յունայթեդը» 37 տարվա ընթացքում առաջին անգամ պատրաստվում է փոխել ակումբի տարբերանշանը: Ակումբը մեկնարկել է երկրպագուների հետ խորհրդակցությունների գործընթաց, որը կտևի մեկ շաբաթ: Նոր տարբերանշանը չի օգտագործվի հաջորդ մրցաշրջանի մարզաշապիկների վրա:
«Նյուքասլի» հայտարարության համաձայն՝ ներկայիս տարբերանշանը ստեղծվել է այլ ժամանակաշրջանում, և դրա բարդ դիզայնը դժվարությամբ է հարմարվում թվային հարթակներին ու բրենդավորմանը: Ակումբը նպատակ ունի ստեղծել ավելի պարզ և հստակ տարբերանշան, որը կհամապատասխանի ժամանակակից պահանջներին:
Այս նախաձեռնությունը մտահոգություններ է առաջացրել երկրպագուների շրջանում: Newcastle United Supporters Trust-ը կոչ է արել ակումբին անցկացնել չեզոք հարցում՝ ներառելով գործող տարբերանշանը պահպանելու տարբերակը:
Հավելենք, որ «Նյուքասլի» ներկայիս տարբերանշանը, որն օգտագործվում է 1988 թվականից, հիմնված է Նյուքասլ քաղաքի զինանշանի տարրերի վրա՝ ամրոց, ծովային ձիեր և դրոշ:
Աղբյուրը՝ Times
