Պատրիս Էվրան մի քանի տարի առաջ ավարտեց իր ֆուտբոլային կարիերան, բայց նա չի ծրագրում հեռանալ սպորտից. շուտով նա կանցկացնի MMA մենամարտ։
Սոցիալական ցանցում PFL-ի էջը հայտարարել է Պատրիս Էվրայի մասնակցությամբ մենամարտի մասին։
Նա իր առաջին մենամարտը կանցկացնի PFL Paris մրցաշարում, որը տեղի կունենա մայիսի 23-ին։ Դա նշանակում է, որ ընդամենը չորս շաբաթից Էվրան կկատարի իր պրոֆեսիոնալ դեբյուտը խառը մարտարվեստում։
Դեռևս հայտնի չէ, թե ով կլինի ֆրանսիացու մրցակիցը։ Էվրան ինքը հումորով արձագանքեց իր հավանական մրցակցի մասին ենթադրություններին։
«Նրանք հարցրին, թե ում հետ եմ ուզում մենամարտել։ Ես ասացի՝ Լուիս Սուարես։ Ես ինքս կվճարեմ մենամարտի համար։ Նա կարող է նույնիսկ կծել ինձ», — կատակել է Էվրան։
