Բելգիացի հայտնի պաշտպան Յան Վերտոնգենը մրցաշրջանի ավարտից հետո 37 տարեկանում կավարտի ֆուտբոլային կարիերան։
Այս մասին սոցցանցում հայտնել է ինքը՝ Յանը։
«Ես շատ մտածեցի և որոշեցի, որ դրանք կլինեն իմ կարիերայի վերջին հանդիպումները: Ես շատ բանի եմ հասել, դա հեշտ որոշում չէր, բայց դա ճիշտ որոշում էր», — գրում է Վերտոնգենը:
2024 թվականի ամռանը Վերտոնգենը երկարաձգեց պայմանագիրը բելգիական «Անդերլեխտի» հետ ևս մեկ մրցաշրջանով։ Վերտոնգենը ռեկորդակիր է Բելգիայի հավաքականի կազմում անցկացրած հանդիպումների քանակով՝ 157։
